Gutxiagotasun fisikoa dituzten pertsonak, hainbat arazo aurkitzen dituzte euren eguneroko bizitzan. Muga arkitektonikoa, zalantzarik gabe arazo larrienetariko bat da.
Gure gizartean urratsak eman dira baina lana mardula da eta oraindik zeregin asko daude egiteke kolektibo honen egokipenerako.

GUTXIAGOTUEN NAZIOARTEKO EGUNA

Gaur abenduak 3 GUTXIAGOTUEN NAZIOARTEKO EGUNA da.

1.- GUTXIAGOTASUN INTELEKTUALAREN ARLOA

Gutxiagotasun intelektualaren arloan zenbait minusbaliotasun aipatuko ditut:

1.1- ATZERAPEN MENTALA

Atzerapen mental terminoa erabiltzen da pertsona batek zenbait muga izaten dituenean bere pentsakeran eta zenbait gaitasun berreskuratzeko orduan, esate baterako, komunikatzeko orduan, harreman sozialak izateko orduan eta bere arreta pertsonalean.

1.2.- HIPERAKTIBITATEA

Garuneko zelulak gaizki funtzionatzean haurrak arreta jartzeko eta erantzunak emateko zailtasunak izaten ditu. Haur hiperaktibo gehienek garuneko disfuntzioak izaten dituzte.
Haur hiperaktiboek ondoren aipatuko ditudan ezaugarriak dituzte:
-Entzungor egiteko jokaera du (hitz egiten diozuenean beste haurrekin jolasten iblitzea.
-Autokontrolaren falta.
-Arreta jartzeko eta konzentratzeko zailtasunak ditu.
-Estimilu desberdinak aldi berean prozesatzeko zailtasunak ditu.
-Koordinatzeko zailtasunak ditu.
-Motibazioa mantentzeko zailtasunak ditu.
-...

1.3.- DISLEXIA

Dislexia hitzak etimologikoki hizkuntzaren zailtasuna esan nahi du.
Faktore hereditarioak dislexia izatea baldintzatu daiteke. Beste faktore batzuk eragina izan ahal dute,esaterako; arrazoi genetikoak, haurdunaldian zailtasunak, lesio zerebralak, emoziozko arazoak, eskolan moldatzeko zailtasunak, espazio eta denborazko defizita,...

Dislexiak dituen ondorioak irakurketan, idazkeran, hizkeran, nortasun eta jokaera aldaketan, denbora eta espazioaren hautematean eta garapenpsikologikoan nabaritzen dira.

1.4.- AUTISMOA

10.000 pertsonatik lau pertsonek pairatzen dute autismoa. Gizonezkoek emakumezkoek baino lau aldiz gehiago sufritzen dute Autismoak gradu ezberdinak izan ditzake.
Autismoa haurtzaroko gaixotasun bat da; beste pertsonekiko harreman-eskasia nabarmenak dituena. Bere sintomak 2-5 urte bitartean agertzen dira.

Ume bat autista den ala ez jakiteko, hainbat ezaugarri har ditzakegu kontuan:
-Oso pasiboak izaten dira.
-Ez dute ingurunearekiko inolako harremanik garatzen.
-Inguruan dituzten pertsonenganako eta gauzetarako sentiberatasun txikia agertzen dute.

Autismoarekin erlazionatuak dauden sindrome eta egoera gehienak, espektro autistaren barruan koka ditzakegu.
Espektro autistaren barruan hauek dira nahaste nabarienak: nahaste autista, garapenaren nahaste jeneralizatua, autismo atipikoa, eta Asperger nahastea. Hauekin batera, Rett nahastea eta haurtzaroaren desintegrazioaren nahasteak, osatzen dute garapenaren nahaste orokorren aukera nagusienak.

1.5.- DOWN SINDROMEA

Down Sindromea zer den deskribatzen hasi zirenetik ehun urte baino gehiago pasatu dira, baina, hala eta guztiz ere, oraindik ez da aurkitu sendatzeko biderik. Nolanahi ere, aurrerapenak handiak izan dira, eta azken hamar urteotan sindromearen inguruko gauza asko jakin dira.

Baina zerk eragiten du Down Sindromea? Gorputzeko zeluletan soberan dagoen kromosoma batek hain zuzen ere. Giza gorputzean 10 bilioi zelula ditugu, eta zelula bakoitzaren muinean 46 kromosoma biltzen dira, 23 bikote alegia. 21. parean bi kromosoma egon ordez hiru daudenean (beraz, 47 kromosoma daudenean) sortzen da Down sindromea.

bideoa

ONGI ETORRI!!!!

Blog honetan gutxiagotuen mundua ezagutzeko aukera izango duzue.
Gure gizartean bi motatako gutxiagotasun aurki ditzakegu: gutxiagotasun fisikoa eta gutxiagotasun intelektuala.
Pertsona horietaz gehiago jakiteko eta beraiekin zerikusia duten gaien inguruko hausnarketak plazaratzeko sortu dut blog hau.
Espero dut zuen gustukoa izatea eta nahi izanez gero, gonbidatzen zaituztet zuek ere blog honen eraikuntzan parte hartzera.